يوميات الش قطونيل الحلقة الثالثة منتدى قمة التميز

سلسلة حلقات قطونيل فقط و حصريا على منتديات (قمة التميز).
و ممنوع النقل دون ذكر المصدر والله شاهد .
الحلقه الثالثه من مسلسل " يوميات قطونيل "

أم قطونيل : أصحى يلا عندنا ضيوف

قطونيل : ضيوف ؟! إحنا هنحارب يا حجه ولا أيه .. وبعدين ضيوف تاني هو مفيش غيرنا في البلد

أم قطونيل : شوف صرفه في ابنك عشان انا تعبت خلاص

أبو قطونيل : ماتصحى يلا احنا هنتحايل عليك

قطونيل : تصحى ولا عشره هع هع هع

أبو قطونيل : أصبر عليا بقى كده

أم قطونيل : متتهورش ياحج .. هتعمل أيه ؟!

أبو قطونيل : هجيب السلك العريان

أم قطونيل : هجيب محفوظ

أبو قطونيل : أيه يا ولاد الوثـ*ـه في أيه

قطونيل : أديني قومت أهو عايز أيه ياحج ؟؟

أبو قطونيل : خش سلم ع الضيوف

(قطونيل دخل يسلم ع الضيوف)

الضيفه بتشاورعلى قطونيل : إيش هادا ؟؟

قطونيل : "إيش هادا" .. دي تجيبيها من المدرسه آخر السنه

الضيفه : إيش اللى قولته ؟؟

قطونيل : قولته بقى بالجبنه

(قطونيل سابها و داخل ينام)

أبو قطونيل يوقفه : رايح فين ؟! .. صحيح نسيت أسألك هو يجوز ان الواحد يموت صرصار و هو متوضي ؟؟

قطونيل : أنا شكلي مش هعرف أنام فـ أم الليله الزفت دي ...اه يجوز يا حاج

أبو قطونيل : "اه يجوز" ده اللي بيبقى فى السيرك هئ هئ هئ ... بس أنا زعلان على قتله

قطونيل : زعلان؟! كنت قتله حاجه يشربها أحسن .. سيبنى أنام بقى

(موبايل قطونيل بيرن)

قطونيل : الله يخربيت رغيك ياحج .. شكلي مش هعرف انام الليلادي

أبو قطونيل : بتقول أيه ياض ؟!

قطونيل : بقول يخربيت تيشيرتك ياحج يا روش

أبو قطونيل : حبيبي ياض

قطونيل : حبيبي ولا رجالي ياحج .. سيبني أرد بقى ع الموبايل

.... : ألووو

قطونيل : مين معايا ؟؟

.... : السيده سلمى بنت نوفل ؟! محسوبك ولا مؤاخذه اللهو الخفي

قطونيل : احنا هنستظرف .. مين معايا ؟؟

.... : معايا وإعلان ..هع هع هع هع .. أنا دايس ياض

قطونيل : طب اكتم بقى

دايس : أكتم ؟؟ مش معايا قلم ..هئ هئ هئ .. بقولك أنا رايح الدرس جاي ولا الدور الجاي

قطونيل : درس ايه ؟؟

دايس : درس عربي

قطونيل : احلف

دايس : احلف البهايم

قطونيل : لخص مع مين الدرس؟؟

دايس : مع مربي الأجيال حماده هلال

قطونيل : آه ده انت بتستهبل .. طب غور بقى

دايس : "غور بقى" و شرم الشيخ ..هع هع هع

قطونيل : وحياة أمي لخلي المين أدمن يشيلك .. تيت..تيت..تيت..تيت

(الضيوف مشيوا)

(قطونيل بيتسحب ناحية الباب)

أبو قطونيل : على فين ؟؟

قطونيل : على فين و بقالين بقى و الجو ده !

انت اللى متسحب على فين ؟؟

أبو قطونيل : وطي صوتك لأمك تصحى وتقفشنى يابن الهبله

قطونيل : طب ثواني بقى ياحج هبله ميه من هناك وأجي

أبو قطونيل : أقعد هزر كده !! أمك لو صحيت هتودينا سجن طره

قطونيل : طره مشوي .. شكلك عامل عامله

أبو قطونيل : عامله كامل هع هع هع

قطونيل : كامل في الشهر الكام ؟؟

أبو قطونيل : أنا همشي انا عشان أنا اتخنقت منك

قطونيل : وأنا اتخنقت من طين هئ هئ هئ .. مع السلامه يا وحش

أم قطونيل : ..(بتنادي) أبو قطونييييل

قطونيل : هههههههه وآدى الهبله صحيت .. البس يامعلم أكت أنا بقى

أبو قطونيل : وحياة أمك لما تيجي .. ومتنساش تكت القميص جوا البنطلون

وبعد لما قطونيل لبس أبوه في الحيط خرج قطونيل للذهاب لدرس العربي ومغامره ألشه جديده ^_^

إلى اللقاء في الحلقه القادمه (الخميس القادم) :D

$ أنا قطونيل $