سلسلة حلقات قتونيل فقط و حصريا على منتديات (قمة التميز).
و ممنوع النقل دون ذكر المصدر والله شاهد .
الحلقة الاولى .
الحلقه الأولى من مسلسل " يوميات قطونيل "
قطونيل (نايم) : آآآآووه .. (بيتاوب)
أم قطونيل : قوم يا واد
قطونيل : قوم وبصل ع الصبح
أم قطونيل : قوم يا ابن الهايفه
قطونيل : هايفه من ايه يا حاجه
أم قطونيل : طيييب .. ( تروح وترجع بجردل ميه لزوم الصحيان)
انت لسه نايم ؟! تشششش ( اتغرق بالميه)
قطونيل بعد ما فاق : ياه كده استحميت
أم قطونيل : مستنى ايه ؟؟
قطونيل : مستنى الچل عشان أقوم من ع السرير أنزل على طول
أم قطونيل : ده انت تچل
قطونيل قام وراح الحمام
قطونيل :خلص يا حاج عشان عايز احلق دقني
أبو قطونيل : ولا دقني و شأني
قطونيل : و ده من ايه ده ؟؟
أبو قطونيل : ولا "ايه ده" عليا شويه
قطونيل : حتى أبويا بقى ألاش خلص ع الألش كله "ومألاش" حاجه لابنه
أبو قطونيل : لخص عشان تنزل تجيب فطار و متقوليش فطار القاهره
قطونيل : (ده انت خنقت أمي)
أبو قطونيل :بتقول ايه يا واد ؟؟
قطونيل : فارس بلا يا واد ..
أبو قطونيل : امشي ياض يابن الـ **
قطونيل بعد ماطلع من الحمام
أم قطونيل بتتخانق مع أبو قطونيل : إنت اللي وقعت النسكافيه على الكرسى ؟؟
قطونيل : خليكى بقى "نسكافيه" وما تسيبيهوش لحد ما أجيبلك المقشه
أبو قطونيل : انت بتستهبل .. !!
قطونيل : مش لما تبعت إنت ابقى أستهبل أنا
أم قطونيل : أهلاً .. إنت خدت إفراج إمتى ؟؟
قطونيل : لا وانتي الصادقه خدت فاتوره
أبو قطونيل : قوم ياض هات فطار
قطونيل : بلا "قوم ياض" بلا رشيد
أم قطونيل : قوم ياض ورشيد ؟! قوم فز يلا وإسمع الكلام
قطونيل : "قوم فز" ؟! إيه جو الحيوانات الشائكه ده
أم قطونيل لأبو قطونيل : شوفت خلفتك الحلوه آدى اخرة متابعتكوا لفقعتهالي
أبو قطونيل : ده مش ذنبى يا أم قطونيل
قطونيل : لأ ده الكاميرون يا حاج .. خلاص نازل اجيبلكوا الطفح .. بالسم الهاري
أبو قطونيل : هاري شاكر يا حلو
قطونيل (بنرفزه) : اصطبح بدل ما "أشكرلك" ع الصبح
وبعدما أخد قفا الحكومه الصح نزل قطونيل للشارع ليبدأ مغامره جديده من مغامراته الألشيه ^_^
تابعونا فى الحلقه الجايه :D
$ أنا قطونيل $.
