هذة الحلقات من فكرة و اعداد ادارة منتديات قمة التميز و غير مسموح بالنقل دون ذكر المصدر.
الحلقه الخامسه من مسلسل
" يوميات قطونيل "
دايس : قطونيل .. استنى
قطونيل : دايس .. واحشنى عامل ايه ؟؟
دايس : احنا هنستهبل .. أنا معاك من الصبح
قطونيل : ده انت "معاك من" عليا عيشتى
دايس : المهم .. أنا رايح درس تاني .. جاي ؟؟
قطونيل : درس تاااني .. ده احنا لسه مطرودين م الأولااااني
دايس : ياله يا ست شيرين ..ها جاي ولا ؟؟
قطونيل : على فين ؟؟
دايس : رايح لبرنس الفلسفه .. عمرو مصطفى
قطونيل : و حياة أمك ؟! هيا ناقصه شلل
دايس : ليه بس يا عم ؟؟
قطونيل : ياعم ده أهبل .. ده لسه لحد دلوقتي مقتنع انه مدرس رياضه وكل شويه واجع دماغنا : حليتها ... والسين عرفت قيمتها
دايس : طب عشان خاطري تعالى وجرب
قطونيل : قشده ابقى عدي عليا بقى
دايس : أعدي !! مين اللي مات ؟!
قطونيل : امشي يابن التيت انت
قطونيل (جوا الفصل)
المدرس : معاكوا حاجات تاخدوا فيها ولا لا ؟!
قطونيل (عامل فيها محترم) : تاخدوا فيها .. !! أيه قلة الزوق دي
المدرس : ده "زوق دي" أبو نعمه ياض
دايس : أهلاً انت جيت في ملعبنا
قطونيل : أسكت بقى عشان انا "جيت في " بيوجعني
المدرس : خلاص هزرنا كتير نبتدي الشغل بقى
دايس : كتير مشلتت
المدرس : ما قولنا خلاص ده انت عيل ابن كلب صحيح
المدرس لـ قطونيل : أيه لسه مطلعتش الحاجات
قطونيل : "أيه لسه" وهيفاء
المدرس : عليا الطلاق لاتصل بأبوك
قطونيل : كان حماده هلال أشطر
المدرس : انت واخدها عند بقى
قطونيل : عند صبري هئ هئ هئ
المدرس : طييييييييييييييب
المدرس : أبو قطونيل معايا ؟؟
أبو قطونيل : نعم .. عايز مني أيه ؟؟
المدرس : "عايز مني" ع العشاء يا خفيف
أبو قطونيل : لخص عشان والله هقفل السكه
المدرس : خلاص ياعم انا عمرو مصطفى
أبو قطونيل : انا مش مصدق نفسي .. برنس الكاميرا الخافيه بنفسه
المدرس : انا عرفت الواد جايب الهبل ده منين
أبو قطونيل : مين غير غلط .. الواد عمل ايه ؟؟ .. ومتقولش غلط وطوب عشان قديمه
المدرس : ابنك فاشل و بيهزر فى الحصه و بيقول ألفاظ خليعه
أبو قطونيل : خليعه ليك المره دي
المدرس : نعم ؟!
أبو قطونيل : قصدي ...هاتهولي وأنا ههزقهولك
المدرس : خد يا قطونيل الزفت
قطونيل : أيوه
أبو قطونيل : انت ياض يابن الكلب وديت الشراب البني فين ؟؟
قطونيل : عندك جنب الشراب الازرق
أبو قطونيل : وفين الشراب الازرق ده ؟؟
قطونيل : عندك جنب الشراب البني
أبو قطونيل : احنا هنستظرف .. قصر الكلام ..عتذاكر ولا مش عتذاكر؟؟
قطونيل : عذاكر .. عذاكر أمن مركزى ..هع هع هع
أبو قطونيل : ده أنا هخليك تخاف موت من الاستاذ
قطونيل : موت من الاستاذ ولا موت من مخدرات نياهاهاهاها
أبو قطونيل : انت فصيل
قطونيل : خلاص يا حاج هذاكر كل "انت فصيل" والديتالز بتاعت الدرس
المدرس : لخص ماهو مش رصيد أهلك
قطونيل : بطلوا بقى حقد و نفسنه
المدرس : ده "ونفسنه" أولى ثانوى زيك كده كنت بنيم امبابه م المغرب
قطونيل : خد ياعم تليفونك أهو وأنا سايبلك أم الحصه و طالع
(المدرس بعد طلوع قطونيل) شاف تليفون قطونيل
المدرس لـ دايس : خد ده وإديه لقطونيل
دايس : "خد ده" درقيه ههههه
المدرس : اطلع بره و متحضرليش تانى ... صحيح ألالاشين على أشكالها تقع
وخرج دايس ليلحق بقطونيل والذهاب لمغامرات ألشيه تانيه ^_^
انتظرونا الحلقه القادمه :D
$ أنا قطونيل $
