يوميات الش قطونيل الحلقة الرابعة منتدى قمة التميز

الحلقة الرابعة^-^
قطونيل دخل الدرس و(جوه الفصل)

المدرس: طلعوا كشاكيل العربى عشان عندكم درس عربى

قطونيل : دلوقتى بس اتأكدت انك حماده هلال

المدرس : يلا عشان هملليكوا موضوع تعبير

قطونيل : تعبير؟! ايه بيت الزواحف اللى أنا دخلته ده !

المدرس (بيمللي) : لابد للأمة أن تأخذ حقها..

قطونيل : بقولك ايه روح حقها بعيد عني

المدرس لسه بيمللي : ومن مقتضى ذلك ..

قطونيل : مقتضى منصور يا برنس

المدرس (يستحلف للى بيألش عليه)

قطونيل (عامل من بنها)

المدرس: و كن ثري بالعلم ..

فولان:كن ثرى ؟! الأجره كام يا اسطى ؟ هع هع هع

المدرس (قفش قطونيل) :"بنرفزه".. أنا ساكتلك م الصبح .. انت ما بتكتبش ليه ؟؟

قطونيل : عشان اللى بيكتب بيروح النار

دايس (على طريقة القرموطي) : لأ يا برنس الألشه دى بتاعتى .. مش هنخش على كلام بعضينا .. معلش احنا بنتكلم

المدرس : إحنا هنستظرف .. بس انت وهو .. (ويبص لقطونيل) : إنطق يلا فين تعبيرك ؟؟

قطونيل : وربنا احنا تعبيرك معانا يا جدع

المدرس: وحياة أمك ؟! طيييب .. أنا هعملك إستدعاء ولي أمر وهتصل بوالدك

قطونيل : أمر موسى هئ هئ هئ

(المدرس بيتصل بأبو قطونيل)

المدرس : ألو .. انت أبو قطونيل ؟؟

أبو قطونيل : نعم .. مين انت ؟؟

المدرس : مين انت تفاح يا خفيف

أبو قطونيل : احنا هنهزر

المدرس : هزر فزر .. أنا مين ؟؟

أبو قطونيل : وربنا لو متعدلتش هديك "أنا مين" على وشك

المدرس : خلاص يا عم .. أنا حماده هلال

أبو قطونيل : بجد ؟! أنا مش مصدق نفسي .. أنا بحبك أوي يا كابتن و بتفرج على كل ماتشاتك

المدرس (في سره) : دلوقتى بس عرفت الواد طالع غبى لمين .. يا بني آدم بقولك حماده هلال مش حماده إمام

أبو قطونيل : وعايز ايه لخص

المدرس : أنا عايز اشتكي ابنك

أبو قطونيل : تشتكيه ؟؟ حد قالك اني عارضه للبيع ؟!

المدرس : واضح ان الهبل عندكوا وراثه

أبو قطونيل : من غير غلط بس الواد عملك أيه ؟؟

المدرس : غلط وطوب بقى والكلام ده

أبو قطونيل : انت اللي بتهزر أهو .. "طوب" علينا منهم يارب

المدرس : خلاص ياعم ابنك عبيط وبيهزر في الحصه على طول

أبو قطونيل : عبيط صبري

المدرس (في سره) : "عيله بنت مره" .. بقولك أيه متزعلش من اللي هعمله في ابنك

أبو قطونيل : ابني ولا بحري

(تيت .. تيت .. تيت .. تيت)

المدرس لـ قطونيل : أبوك ده مش معقوله

قطونيل : لا ماهو مع تانيه وتالته برده

المدرس : طب يابني انا استحملتك كتير مع السلامه ومتجيش الدرس تاني

قطونيل (عامل عبيط)

دايس : لو قطونيل مشي انا همشي انا كمان

قطونيل : كمان الشناوي هع هع هع

المدرس : أيه يا ولاد الوثـ *ـه في أيه ؟! أطلعوا بره عشان ما أعملش جنايه هنا

واتطردوا قطونيل ودايس من المكان الحمد لله ^_^

وإلى اللقاء في الحلقه الجايه :D

@[147173848758171:0]

@[404040049651522:0]


$ أنا قطونيل $